لاقلت احبك اسكتي واحضنيني

اتتعبيني يكفي القلب مجـرورح
لا قلت احبك اسكتي...واسمعيني

ماجيت ادوّر فيك لوعات وجروح
جيتك وانا كلي امل ...تسعديني

جيتك وانا كلي احاسيس ووضوح
جيتك ابي لوساعةٍ...تفهميني

والله ماغيرك سكن داخل الروح
ولاغيرك انتي وســـط قلبي وعيني

والعاشق اللي يعشق بصدق مفضوح
لو جاء يرد الشوق لازم يبينـي

لاتساليني وش ورى الهم والنوح
وفي عز جرح القلب لا تساليني

ياليتني اقدر على البوح وابوح
ان كان ماشفتي الشقا محتويني

ياللي تحسبين الهوى لعب ومزوح
شوفي سواة العشق والهــم فيني

بعض الغرام يجيله ايام ويروح
وانتي غرامك بالحشا مبتليني

لاتتعبيني يادوى القلب والروح
لا قلت احبك اسكتي...واحضنيني